Ka dib, dadaalo isdaba joog ah oo uu hor kacayeen wasiir ku xigeenka wasaaradda warfaafinta Soomaaliya, C/raxmaan Yuusuf al-Caddaala & Xildhibaan Odawaa ayaa ugu dambeyn odayaasha beelaha ku dagaalamay degaanka Xanan-Buure ee gobolka Galgaduud ogolaadeen xabbad joojin.
Dadaalada nabadda wasiir ku xigeenka waxaa ku wehliyay, xildhibaano ka tirsan baarlamaanka Soomaaliya iyo mas’uuliyiin kale oo ka tirsan maamulka Galmudug.
Degaanka Xanan-Buure, waxaa ku dagaalamay beelo walaalo ah oo halkaas wada dega, mas’uuliyiinta ku baxay colaadaas ayaa dhinacyada ku qanciyay in ay saxiixaan xabbad joojinta si nabad loogu soo dabaalo degaanka.