Madaxweynaha Mareykanka, Donald Trump, ayaa khadka taleefanka kula soo xiriiray telefishinka Fox News, si uu uga hadlo sida uu uga falceliyay natiijada doorashada xilliga dhexe ee Mareykanka (Midterm Elections), taas oo xisbiga Jamhuuriga uu guuldarro weyn kala kulmay, isaga oo qiray in Dimuqraadiyiintu “shaqo wanaagsan qabteen”.
Isaga oo la hadlayay weriyaha la yiraahdo Bret Baier, Trump ayaa sheegay in jawiga guud uu muujinayay isbeddel, isla markaana uu xoogaa yar un ay la yaab ku noqotay natiijada doorashada.
“Waxaan qabanay isu-soo-baxyo aad u waaweyn,” ayuu yiri Trump. “xoogaa layaab ayay igu noqotay.”
Isaga oo muujinaya dabacsanaan, Trump ayaa sheegay inay jiraan “arrimo badan oo aad u badan” oo uu kala shaqeyn karo Dimuqraadiyiinta ee Aqalka Congress-ka.
Waxa uu meesha ka saaray in wax isbeddel ah lagu sameyn doono xubnaha golihiisa wasiirrada, sababo la xiriira natiijada doorashada xilliga dhexe.