Ismaaciil Xasan Kheyre Taliyaha amaanka garoonka Magaalada Kismaayo oo la hadlay Idaacadda Risaala ayaa ka warbixiyay Qarax Miino oo ay Ciidamada amaanka Maamulka Jubbaland ka saareen meel u dhaw garonka Kismaayo.
Taliyaha ayaa sheegay in ay ka hortageen Ciidamada amaanka Maamulka Jubbaland isla markaana ay fashiliyeen qaraxaasi.
Waxa uu sidoo kale sheegay in Qaraxaasi lagu aasay meel u dhaw Garoonka Kismaayo ay masuuliyadiisa lahaayeen Al-Shabaab, waxa uuna xusay in ay doonaayay in ay ku dhibaateeyaan shacabka.
Taliyaha amaanka Garoonka Kismaayo ayaa sidoo kale sheegay in ay ku dadaalayaan xaqiijinta amaanka garoonka Kismaayo.