Magaalada Jowhar ee Caasimadda Dowlad Goboleedka Hir-Shabeelle ayaa waxaa ka socota doorashada Xildhibaannada Golaha Shacabka, waxaana Maanta la dooranayaa lix Kursi.
Yuusuf Ibraahim Afrax ayaa ku guuleystay kursiga Tirsigiisa uu yahay Hop-033 ee Xubinnimada Golaha Shacabka, isagoo helay codad gaaraya 69-cod halka musharaxii la tartamayay Maxamed Xuseen Sabriye uu heley 22 -cod, waxaana halaabay lix Cod.
Waa kursigii ugu horreeyay ee Golaha Shacabka ee Baarlamaanka 11aad ee Maanta lagu doorto Magaalada Jowhar halka maamulada kale ee dalka lagu doortay dhowr Xildhibaan.