Dowladda Federaalka ah ee Soomaaliya ayaa faah faahin rasmi ah waxaa ay ka bixisay wada-hadalladii dhawaan Madaxda Dowladda Soomaaliya iyo Soomaaliland ku dhex-maray dalka Jabuuti.
Wasiirka Arrimaha Gudaha Dowladda Federaalka Cabdi Maxamed Sabriye ayaa sheegay in kulmadii ay yeesheen Guddiyada farsamada ay ahaayeen kuwo lagu abuurayay kalsooni dhisid iyo inay socdaan wada-hadallada Dowladda Federaalka iyo Soomaaliland.
Wasiirka oo Muqdisho dib ugu soo laabtay ayaa sheegay in wada-hadallada loo qorsheeyay inay guddiyada sii wadaan,isla markaana ay jiraan guddiyo Wasiiro ah oo 45 Cisho,kadib ay dib ugu laaban doonaan Jabuuti si ay u hubiyaan waxa u qabsoomay Guddiyada Farsamada.