Home Caalamka Saldhig ciidammada cirka Suuriya ay leeyihiin oo la duqeeyay

Saldhig ciidammada cirka Suuriya ay leeyihiin oo la duqeeyay

SHARE

Garoon diyaaradeed oo ay leeyihiin ciidammada cirka ee Suuriya ayaa gantaallo lagu weeraray, sida ay ku warrantay warbaahinra Suuriya.

Habka difaaca hawada ee dalkaas ayaana la hawlgaliyay, ayay warbaahintu intaas ku sii dartay.

Telefishinka Suuriya ayaaa sheegay in qaraxyo laga maqlay meel u dhaw saldhigga ciidammada cirka ee T4 ee magaalada Xoms, arrintaasina ay dhacday saacadihii hore ee Isniinta.

Faahfaahinta warka ayaa soo baxaya, walina si madaxbannaan looma xaqiijinin.

Warkan ayaa imaanaya iyadoo iyadoo adduunku uu u dhag taagayo weerar kiimo loo adeegsaday oo la sheegay in laga gaystay magaalada Douma ee dalka Suuriya oo ay gacanta ku hayaan jabhaduhu.

Madaxweynaha Maraykanka Donald Trump ayaa madaxweynaha Suuriya Bashaar Al Asad ku tilmaamay “xayawaan” wuxuuna isaga iyo xulafadiisa Iiraan iyo Ruushka uga digay in ay cawaaqib xun kala kulmi doonaan.