Home Wararka Puntland iyo Galmudug oo Tababar u furay Ciidamo isku dhaf ah

Puntland iyo Galmudug oo Tababar u furay Ciidamo isku dhaf ah

SHARE

Gaalkacyo-RisaalaFM- Maamulada Puntland iyo Galmudug ayaa maanta waxa ay Garoonka Diyaaradaha magaalada Gaalkacyo C/laahi Yuusuf Tababar ugu fureen Ciidamo isku dhaf ah, oo ka shaqeynaya amniga guud ee gobolka Mudug.

Madaxweyne ku xigeenka Puntland C/xakiin Xaaji Cumar (Camey) iyo Madaxweyne ku xigeenka maamulka Galmudug Maxamed Cabdi Xaashi (Carabey) ayaa si rasmi ah u furay Tababarkan.

Ciidamadan oo horay loo diyaariyay ayaa Tababarkooda kadib waxa ay ka shaqeyn doonaan sidii ay Nabad ugu soo dabaali lahaayeen magaalada Gaalkacyo oo horey ay uga dhaceen Dagaalo.

Madaxweyne ku xigeenada Puntland iyo Galmudug ayaa sheegay Ciidamadan in ay dhowaan holwgali doonaan, si loo ambaqaado howsha ku aadan sidii gobolka Mudug looga hirgelin lahaa Nabadgelyo dhab ah.

Shacabka Magaalada Gaalkacyo ee gobolka Mudug ayaa aad u soo dhaweeyay Ciidamada isku dhafka ah ee loo sameynayo magaaladaasi, waana markii ugu horeysay ee Ciidamo isku dhaf ah loo sameeyo Gaalkacyo.