Home Caalamka Dowladda Kenya oo Mamnuucday ka ganacsiga Dhuxusha

Dowladda Kenya oo Mamnuucday ka ganacsiga Dhuxusha

SHARE

Dowladda Kenya ayaa degaannada Tana River iyo Kilifi ee Gobolka Xeebta ka mabnuucday ka ganacsiga dhuxusha si bilicda degaanka loo badbaadiyo.

Guddoomiyaha Tana River Dhadho Godhana ayaa walaac ka muujiyay inay sara u sii kacayaan falalka jaridda Dhirta iyo burburinta keymaha, wuxuna Sarakiisha ismaamulkaasi ugu baaqay inay dhaqan-geliyaan ammarka ka soo baxay Dowladda.

Mr. Godhana ayaa sheegay in Tana River ay ka mid tahay maamul Goboleedyada ay roobabku ku yar yihiin, sidaa awgeedna la doonayo inay hormuud u noqoto degaannada kale.

Guddoomiya ayaa bixiyay amar ah in gacanta lagu dhigo Baabuur kasta oo Dhuxul sida,

Iyadoo sidoo kale ismaamulka Kilifi laga soo saaray ammar ah inaanan laga ganacsan Dhuxusha.

Dhawaan ayay ahayd markii Ciidamada ilaalada Degaanka Dalka Kenya ee loo yaqaan KFS ay Magaalada Malindi ku qabteen Saddex Gaari oo sidday 95 Kiish oo Dhuxul ah.