DHAGEYSO: AMISOM oo dishay 70 neef oo geel ah

DHAGEYSO: AMISOM oo dishay 70 neef oo geel ah

SHARE

Sida ay Risaala u sheegeen dadka degaanka Ciidanka AMISOM ayaa dilay ku dhawaad 70 neef  oo geel ah shalay gelinkii dambe.

Falkaan ayaa ka dhacay degaanka lagu magacaabo   Wareer-male, oo hoos-tagga Degmada Baraawe.

Kolonyo ay la socdeen Ciidanka AMISOM oo ka amba baxay Magaalada Muqdisho, kuna sii jeeday Degmada Baraawe, ayaa la sheegay in ay geysteen dhacdadaan Xanuunka badan.

Sidoo kale ciidanka AMISOM ayaa dilay labo wiil waday geela ay AMISOM laysay.

Sheekh Ciise Maxamed Nuur oo ay ehelo ahaayeen wiilasha la dilay oo la hadlay Idaacadda Risaala ayaa sheegay in ciidanka AMISOM ay dileen geel farabadan iyo sidoo kale labo wiil oo geelaasi soo arooriyay.

Waxaa uu sheegay in geelaasi  oo tiradiiso dhamaa 90 ay helaan tiro yar oo kamid ah oo qaarkood ay dhaawac yihiin.

Ciidanka AMISOM ayaa lagu eedeeyaa in ay inta badan ay tacadiyo  ka geystaan gobolka Shabeelaha Hoose .